الكافيين وماذا يفعل في جسمك
كثير ما تسمع عن الكافيين وكيف يؤثر علي التركيز, وبالأخص تسمع كثير من الناس يقول الكافيين يمنع النوم, هذه المادة مادة عظيمة ومبهرة جدا لما لها من فوائد علي صحة الانسان اذا تناولها الانسان بانتظام, ولكن اذا أساء استخدامها فستأتي بمخاطر كبيرة وكثيرة جدا وتؤثر علي صحة الانسان بالسلب, في هذا المقال سنتحدث عن الكافيين بكل تفاصيله وكيف يؤثر علي صحة الانسان وكل المعلومات التي تخص الكافيين من قريب ومن بعيد.
ما هو الكافيين
الكافيين أكثر مادة منبهة في العالم, هل تتخيل هذه المادة وكيف تؤثر علي جسمك, فهي تكاد تؤثر علي وظائف الجسم بأكملها, الكافيين هي مادة طبيعية موجودة في القهوة والشاي وحبوب الكاكاو وبعض أنواع المكسرات, هل تعلم أن الكافيين موجود في القهوة بكمية أكثر من كل المصادر الثانية مثل الشاي والكاكاو, كثير من الناس الذين يشربون القهوة يشربونها بسبب احتوائها علي الكافيين بكثرة, القهوة فيها كافيين بنسبة من 80 الي 120 مجم للفنجان الواحد, كمية كبيرة جدا تكاد أكثر من الكمية الي موجودة في الشاي بأضعاف, لذلك تجد كثير من الطلاب الذين يسهرون الليل أو أصحاب العمل لابد لهم أن يشربوا فنجان من القهوة علي الأقل يوميا, لأن الكافيين يساعدك علي التركيز ويحفز الجهاز العصبي, فهي مادة منبهة للجهاز العصبي.
من أين ياتي الكافيين
الكافيين مش نبات زي القهوة ولا الشاي, الكافيين دي مادة بعض النباتات بتفرزها للدفاع عن نفسها وحمياتها من الحشرات, يعني الكافيين مصدره طبيعي جدا, هييجي سؤال في ذهنك طب الكافيين الي موجود في القهوة أو الشاي جاي منين, الكافيين الي موجود في القهوة بيكون موجود في حبوب القهوة نفسها وكذلك الشاي, هل تعلم أن الكافيين بعض شركات الأدوية العالمية بدأت تدخله في كثير من الأدوية مثل بانادول اكسترا, فهوا يحتوي علي نسبة كافيين وهي بمثابة مسكن تزيد تركيزك وتساعدك علي أداء أعمالك وأنت متعب ومرهق وتحتاج الي النوم.
كيف يعمل الكافيين داخل الجسم
هييجي سؤال في ذهنك ازاي الكافيين بيشتغل في جسمنا وبيعمل كل الحاجات دي وممكن تكون عايز تنام تشرب فنجان قهوة بعدها معتش تحس بالنوم, السبب وراء كدا ان فيه هرمون في جسمنا في الدماغ اسمه الأدينوزين, الهرمون دا هوا المسئول عن النوم, هذا الهرمون يجعلك بعد يوم مرهق ومتعب, يجعلك تشعر بالارهاق ثم التعب ثم الحاجة للنوم, ودي من رحمة ربنا لينا, لأن جسم الانسان يحتاج الي الراحة, كل هرمون في الجسم وليه مستقبلات, فالجسم يبدأ يبعت اشارات للمستقبلات الخاصة بهرمون الأدينوزين, بعد ما تشرب القهوة بحوالي ربع ساعة, الكافيين بيروح يقفل مستقبلات الادينوزين دي ويقعد مكانها, المخ بيلاحظ وقتها ان الجسم مش عايز ينام وهوا الوقتي عايز طاقة تلاقيك حاسس بالطاقة وتلاقيك فايق جدا ومش عايز تنام, لكن بعد ما مفعول القهوة يروح ممكن بعد اربع أو ست ساعات تلاقيك حسيت برغبة في النوم جدا, لأن الأدينوزين بيكون متراكم, ويسمي هذا الهرمون بهرمون النوم.
تأثير الكافيين علي الجسم
الكافيين بياثر علي كل حاجة في جسمك, يعني الوقتي هنتكلم لو شخص ما تناول كوب من القهوة, ماذا سيحدث داخل جسمه, أول حاجة زي ما قولنا مفعول الكافيين هيبدأ يشتغل بعد ربع ساعة تقريبا, وقتها بقا فيه هرمونات هتزيد وفيه هرمونات هتقل, الهرمونات الي هتزيد زي هرمون الأدرينالين, والنورأدرينالين, وهرمون الدوبامين, وهرمونات أخري, الأدرينالين والنورأدرينالين دول بيعملوا دور مهم جدا بيعملوا علي رفع ضغط الدم بشكل مؤقت, ووضع الجسم في حالة استعداد وفي حالة تركيز, طب ليه كل دا؟ الهرمونين دول بيفرزوا من قشرة الغدة الكظرية, والجسم بيفرزهم لو كنت في موقف خطر زي مثلا شوفت أسد, تعرضت لحاجة بتخاف منها, الجسم بيبدأ يفرز الهرمونين دول عشان تكون في حالة استعداد لأي خطر جايلك وتكون في حالة من التركيز الجيد, تخيل ان الكافيين بيعمل كدا بس طبعا بيفرزوا باعتدال عشان مثلا لو عايز تنام تفوق وتصحي, عشان كدا القهوة من أقوي المنبهات في العالم لأنها بتخلي الجسم في حالة تركيز شديد جدا وتخليك صاحي لفترة أطول.من الهرمونات أيضا التي يفرزها الجسم عندما يأخذ الكافيين هوا هرمون الكورتيزول (هرمون التوتر) الهرمون دا من الهرمونات الهامة جدا التي تؤثر علي صحة الانسان, أول ما الكافيين بيدأ يشتغل في جسمك, يتم افراز هرمون الكورتيزول عشان يخليك فايق وصاحي لمدة أطول وساعات يخليك منتبه ومتوتر بنسبة بسيطة. من الهرمونات الي الجسم بيقللها لما يأخذ كافيين هوا هرمون الأدينوزين (هرمون النوم) الهرمون دا هوا المسئول عن النوم, لما تاخذ الكافيين الجسم بيقلله مباشرة, يعني الكافيين بيزود هرمونات زي الأدرينالين والنورأدرينالين والدوبامين, ويقلل هرمونات زي الأدينوزين.
الفرق بين الكافيين في القهوة والشاي
سؤال بييجي علي ذهن كثير من الناس ما هوا الفرق بين الكافيين في القهوة وفي الشاي ومين أحسن ومين بيأثر أكثر؟ الاجابة هنا الكافيين الموجود في القهوة زي بالظبط الكافيين الموجود في الشاي, ولكن الاختلاف الوحيد هوا في مقدار الكافيين في كلا منهما, فمقدار الكافيين في القهوة أكثر بكثير من الشاي, نكاد نقول أكثر من ضعف الكافيين الموجود في الشاي, عشان كدا كبار السن غالبا تلاقيهم بيفضلوا الشاي, لأن ممكن القهوة تأثر عليهم, وكمان قليل من الناس الي عندهم حساسية من الكافيين بيلجأوا لشرب الشاي بدل القهوة, حساسية الكافيين دا مرض جيني يُولَد الانسان به, الناس الي عندهم المرض دا لو دخل جسمهم كمية كافيين كبيرة ممكن فورا يحصلهم إغماء ورعشة ودوخة وكل الأعراض دي, لأن جسمهم حساس جدا للكافيين, فتخيل جسمك يكون حساس للكافيين وتشرب قهوة كثير.
القهوة أحسن ولا الشاي
هذا السؤال يُحَيِر كثير من الناس, ولكن إجابته تعتمد علي حب الشخص للشيء, حيث يوجد أناس يحبون القهوة جدا جدا, حيث فنجان من القهوة عندهم أفضل وأغني بكثير من أكواب من الشاي, فالأمر يعتمد علي التذوق وحب الشخص للشيء, ولكن لو تحدثنا بالعلم وأيهما أفضل صحيا؟ نكاد نقول الشاي, لماذا؟ لأن الشاي يحتوي علي مادة الثاينين, المادة دي مش موجودة في القهوة, المادة دي بتعمل توازن مع الكافيين, يعني بتخليك في حالة هدوء ولا نعسان وعايز تنام ولا متوتر ومرتعش, لذلك كثير من الناس يفضلون الشاي ولكن في الأخير هذا يعتمد علي تذوق الشخص, فكما يقول المثل: لولا اختلاف الأذواق لبارت السلع, وهذا من حكمة الله في الحياة.
ما علاقة الكافيين بالرياضة
كثيرا ما تسمع هذه الجملة تتكرر علي آذان الرياضيين, يوجد علاقة واسعة جدا للكافيين مع الرياضة, حيث أن الكافيين يؤثر جدا علي أداء الشخص الرياضي, فهوا من أهم المحفزات التي يعتمد عليها الرياضيون والذين يذهبون إلي الجيم, تري كثير من الذين يذهبون إلي الصالة الرياضية لرفع الأثقال لابد له أن يشرب فنجان من القهوة مع حبات من التمر, حيث أن التمر مصدر للطاقة, والقهوة مصدر للتحفيز, كما ذكرنا سابقا أن القهوة من أقوي المحفزات للجهاز العصبي, حيث تقوم برفع ضغط الدم مؤقتا وضخ الدم للأوعية الدموية بكثرة, ويجعلك في موضع تحفيز واستعداد لممارسة الرياضة أو لرفع الاثقال.
أضرار الكافيين عند الافراط
كل شيء إذا زاد عن حده انقلب إلي ضده, فكما أن الكافيين له فوائد شتي وفوائد عظيمة, كما أن له أضرار بالغة عند الافراط, وقد تحدثنا في المقالات السابقة عن أضرار الافراط في الشاي, والافراط في القهوة, وكما لهما من أضرار بالغة علي جميع أعضاء الجسم والهرمونات, وكما أنه ممكن يؤثر علي هرمونات الذكورة والأنوثة, فكيف لهذا من أمر خطيرة, لذلك يجب عليك الاحتراز من الافراط في الكافيين.